Камерунскиот ММА борач Френсис Нгану ја одбрани титулата во тешка категорија на УФЦ 270 откако во одлична борба го победи Сирил Гане.
Гане влезе во мечот како фаворит на обложувалниците и така започна борбата. Французинот прв го собори бранителот на појасот, но без конкретен ефект.
Гане беше подобар во првите две рунди и се чинеше дека Нгану не може да ја заврши борбата без пораз. Тој беше поконкретен од неговиот поранешен спаринг партнер.
Сепак, во третата рунда видовме голем пресврт. Нгану направи одличен контранапад при нападот на Гане и го собори.
Интересно, Гане никогаш не бил соборен на грб во претходните седум натпревари, а Нгану тоа го направи и во четвртата и во петтата рунда, па на крајот дојде до предност доволна за победа.
Камерунецот на крајот славеше со едногласна одлука на судиите и покажа дека може да добива и вакви натпревари, па на крајот сосема заслужено ја одбрани титулата шампион во тешка категорија.