Претседателот на УФЦ, Дејна Вајт, пред една недела соопшти дека го смислил следниот настан на кој главната борба би била меѓу Тони Фергусон и Џастин Гејџи.
Тогаш Вајт самоуверено рече дека борбата ќе се одржи на 9 мај и дека останува само уште формалното потпишување на договорите.
Завчера УФЦ официјално ги откажа сите борби во мај поради епидемијата со COVID-19, а веќе синоќа стигна сосема нова информација – спектакуларната борба сепак ќе се одржи на 9 мај.
Според информацијата што ја објави ESPN, УФЦ 249 ќе се одржи на Флорида, која е најмалку погодена од коронавирусот во споредба со другите американски сојузни држави и каде животот се одвива најнормално.
Официјално соопштение нема – овојпат се чека согласност од Спортската комисија на Флорида.
На УФЦ 249 се очекуваат три борби за шампионска титула и две спектакуларни споредни борби.
Затоа, Фергусон и Гејџи ќе се борат за титулата привремен првак во лесна категорија, како што требаше да се случи на УФЦ249 кој Хабиб го откажа бидејќи не смееше да излезе од Русија бидејќи стапија на сила забрани за движење за заштита од коронавирусот.
Покрај Фергусон и Гејџи, за титула ќе се борат и Доминик Круз и Хенри Сехудо (бантам), како и Аманда Нуњез и Фелиша Спенсер (перолесна).
Покрај овие три борби, гледачите од удобноста на нивните домови ќе може да ги гледаат и спектакуларните соочувања на Френсис Нгану и Жаирзињо Розенструик, како и Доналд Сероне и Ентони Петис.
Ако се одржи настанот, едно е сигурно – публика нема да има.
