Нејмар вчера стана главна тема на сите светски медиуми откако е откриено дека во екот на пандемијата со коронавирусот одржува забава со дури 500 луѓе.
Според O Globо, Нејмар изнајмил и аниматори кои имале за задача да ги забавуваат сите гости во неговата вила, па дури и оние што ќе дојдат непоканети.
За да не ги вознемирува соседите, изградил подземно диско со звучна изолација за да може да се забавува 24 часа дневно, а гостите да не пречат никому.
Им ги зел мобилните телефони
На журките била забранета само една работа, а тоа е користење на мобилни телефони. Нејмар се плашел дека некои недолични фотографии од забавата ќе завршат во јавноста, па им ги одземал мобилните телефони на сите поканети лица.
Ја изнајмува куќата во која живеел познат актер
Нејмар игра во ПСЖ од 2017 година, а неговиот дом во Париз покажува во каков луксуз ужива.
Бразилецот живее во луксузна вила на пет ката, а која вреди околу 7 милиони евра.
Куќата е изградена во 50-тите, а првиот сопственик бил богат архитект од Париз кој ја изградил куќата на 15 км од центарот на Париз. Во подрумот на куќата има голем базен со поглед на градината.
Во куќата има и сауна, турска бања и огромна соба за друштвени игри. Нејмар ја изнајмува куќата за 13 илјади фунти месечно.
Легендарната роденденска забава
Бразилецот го изнајми неговиот омилен ноќен клуб и цела ноќ се забавуваше со пријателите.
Сопственик на спортски автомобили и приватен авион
Благодарение на енормната плата која ја заработува во ПСЖ, Бразилецот може да си купи кој автомобил посака. Па така, тој е сопственик на неколку Ferrari меѓу кои се истакнува GTC4Lusso вреден околу 265 илјади евра и моделот 455 Italia.
Тој е сопственик и на авион во кој може да патува со уште 12 лица.