Славниот Валентино Роси, најдобриот мотоциклист во историјата, наскоро ќе стане татко.
Тој и неговата девојка Франческа Софија Новело среќната вест ја објавија на социјалните мрежи.
„Докторот“ очекува девојче со Франческа и тоа го сподели со неговите обожаватели.
„Сакаме да ве известиме дека Франческа е бремена, очекуваме девојче“, напиша Валентино Роси на Instagram, објавувајќи фотографии со неговата девојка.
Пред само неколку дена легендарниот „Доктор“ на прес-конференција најави повлекување од Мото ГП шампионатот. Во девет наврати ја има освоено титулата на светски шампиони.
„Ова е тежок момент за мене, тешко е да се знае дека нема да се натпреварувам во следната сезона. Но, ова беше долго и забавно патување кое траеше цели 25 години“, изјави 42-годишниот Роси.