Арсен Венгер, поранешниот менаџер на Арсенал, изјави дека е подготвен да се врати и да му помогне на клубот од „Емирати“ доколку е тоа потребно.
Францускиот стручњак, кој помина 22 години на кормилото на „Топчиите“, е свесен дека клубот има проблеми со резултатите и дека ќе биде тешко да се постигнат зацртаните цели.
Микаел Артета забележа најлош старт во една сезона од Премиер лигата, што се однесува до Арсенал, кој е на 13-то место со 20 бода од 16 натпревари.
Во разговор за подкастот „Men in Blazers“, Венгер рече нешто што ќе биде надеж кај навивачите на лондонскиот клуб.
„Ако им требам, би им помогнал, ама не очекувам тоа да се случи“, рече Венгер.
Тој моментално работи во рамките на ФИФА како шеф на одделот за глобален развој на фудбалот, а кога станува збор за поранешниот клуб и тренерот Микел Артета, тој вели дека поранешниот играч на „топџиите“ имал многу среќа.
„Имаше среќа веднаш да се вработи во голем клуб, да дојде на позиција за која се потребни најмалку десет години работа. Тоа е затоа што тој беше добар играч и играше за голем клуб, му посакувам сѐ најдобро. Заминав со желба моите наследници да бидат подобри и сега кога имаат подобри финансии, да ја освојат титулата. Микел отсекогаш имал голема страст кон играта и мотивацијата, желба да успее. Ги гледате сите тие состојки и сега, тој има влијание врз играчите“, заклучи Венгер.