Поранешниот напаѓач на Јувентус и Интер, Кристијан Виери проговори за заминувањето на Кристијано Роналдо во Манчестер Јунајтед.
– Пред да замине Роналдо, реков дека Јувентус е најсилниот тим во Италија. Сега Интер е фаворит. Јувентус загуби од 25 до 30 голови. Луѓето кои велеа дека Роналдо не е многу добар во Јувентус, треба да бидат среќни. Но, нема подобар напаѓач од него. Некој ќе мора да ги постигне сите овие голови. Мислам дека Мојс Кин не е способен за тоа, но би било фер да му се даде сезона да се докаже.
Икарди игра малку за тимот, но по природа знае како да ги заврши нападите. Лесно постигнува 20 гола. Бидејќи на Јувентус му се потребни тие 20 гола, клубот можеби требаше да стори повеќе за да го добие Икарди, изјави Виери во интервју за La Gazzetta dello Sport.
Роналдо на почетокот на новата сезона од Јувентус се пресели во Манчестер Јунајтед.
