Српскиот напаѓач Душан Влаховиќ пред десетина дена ја раскина врската со Марија Соле Полио, а италијанските медиуми веќе открија која е новата љубов на најскапиот фудбалер на Јувентус.
Приватниот живот на Душан Влаховиќ е многу интересна тема за италијанските медиуми по трансферот од Фиорентина во Јувентус. Српскиот напаѓач веднаш почна да пружа добри игри во „Старата дама“, а очигледно добро му оди и надвор од теренот.
Порталот Leggo објави информација дека Влаховиќ од пред неколку дена е во врска со поранешната мис на Италија, Каролина Страмаре, една од најпопуларните манекенки во Италија.
Наводно, дуото се запознало додека Влаховиќ живеел во Фиренца. Leggo наведува дека Влаховиќ веќе ѝ подарил автомобил на новата девојка и дека двојката ја споделува љубовта кон фудбалот, особено кон Јувентус, бидејќи Страмаре е навивач на великанот од Торино.
Страмаре, поранешна мис на Италија, е позната и по прекарот „италијанската Меган Фокс“. На Instagram ја следат повеќе од 350.000 фанови.