Српскиот напаѓач Душан Влаховиќ, која настапува за Јувентус, во следната сезона ќе го носи дресот со број 9, откако ја промени седумката што ја носеше во првата половина од годината.
Брилијантниот напаѓач за време на јануарскиот преоден рок се пресели од Фиорентина во Јувентус, а потоа беше објавено дека ќе го носи дресот со број 7 кој претходно го носеше Кристијано Роналдо.
Сепак, половина година потоа, Јувентус објави дека Влаховиќ во новата сезона ќе го носи дресот со број 9, кој е карактеристичен за напаѓачите, а пред него го носеше Алваро Мората.
Мората го напушти Јувентус откако клубот не се реши да го откупи договорот од Атлетико, а „Старата дама“ ја напуштија и Паоло Дибала и Федерико Бернардески.
Медиумите во Италија пишуваат дека Федерико Кјеза, или евентуално Анхел Ди Марија, кој сигурно ќе стане нов играч на Јувентус, би можел да ја носи седумката на грбот во следната сезона.
Потсетуваме, Влаховиќ во Јувентус пристигна за обештетување од 70 милиони евра, со тоа што челниците на „Старата дама“ преку бонуси ќе платат уште 5 милиони евра.
