„На крајот ќе одлучи Лео, но верувајте, Интер навистина притиска тој да дојде“, тврди изворот од далечната Аргентина.
Новинарот на аргентинскиот тв канал Tnt Sport претседателот на Интер, Стивен Жанг, навистина работи на невозможна мисија, да го донесе Меси во Интер.
Според него, преговорите се веќе започнати, а покрај Интер аргентинскиот ас има и втора понуда која веројатно ќе ја остави за крајот на кариерата.
„Лео, истотака, има понуда од Њуел'с Олд Бојс за да се врати во татковината. Но, Интер притиска. Сепак, поледниот збор го има Меси иако Интер навистина работи на случајот“, тврди аргентинскиот новинар.
Меси ја почна кариерата токму во тимот од Росарио, но никогаш не стигна до сениорскиот тим Барса го доведе уште како тинејџер. Не е тајна дека желба на самиот Меси е еден ден повторно да го облече дресот на Њуел'с, но тоа веројатно ќе се случи пред да оди во пензија.
Меси на 24 јуни ќе наполни 33 години, а предизвикот во Шпанија е значително намален откако неговиот главен ривал Кристијано Роналдо замина во Јувентус. Преселба на Меси во Италија повторно ќе го врати во живот ова долгогодишно ривалство, а ќе го живне и калчото.
Договорот на Меси со Барселона трае до јуни 2021 година, што значи дека тој летово смее да преговара со други клубови.