Кинескиот XPENG X2 во Дубаи направи нов пресврт меѓу електричните автомобили, успешно го изврши првиот јавен лет во Дубаи.
Станува збор за возило дизајнирано за градски летови на мали висини, односно за разгледување и медицински превоз. Станува збор за петта генерација на ова електрично возило на кинеската компанија XPENG.
Брајан Џу, претседател на XPENG го опиша настанот како „голем чекор во истражување на идните начини на превоз“, пренесе Bloomberg.
Електричното возило за вертикално полетување и слетување со две седишта има затворен кокпит и структура од јаглеродни влакна кои му даваат исклучителна цврстина и помала маса за полесен лет. Покрај тоа, поседува и рачен и автономен режим на летање.
Овој модел на летечки автомобил е од петта генерација на компанијата XPENG, а се планира да се објави напредокот на нивниот шести модел што ќе може да вози по патиша, како и да лета.