На прес-конференција на кинеската Управа за национално културно наследство во Пекинг археолозите открија од каде потекнуваат мистериозните бронзени садови што со децении земјоделците случајно ги откопуваа. Мистеријата од покраината Шаанси долго време ги збунуваше археолозите.
Приказната за овие мистериозни артефакти почнува во средината на XX век кога локалното население при вршење на земјоделски работи пронаоѓаше купови бронзени садови за пиење, парчиња грнчарија со слики, тиркизен накит и парчиња од жад, сето тоа во близина на денешниот град Јулин во покраината Шаанси.
Заинтригирани за нивното потекло, археолозите одлучиле да ја истражат областа и откриле дека на 11 брда и територија од околу 3 километри квадратни се простира локалитет од брозеното време, кој го нарекле Џаигоу. Според направените анализи, артефактите потекнуваат од перидот од пре 3 илјади години, кога со древна Кина владеела династијата Шан.
„Во минатото на ова место се откриени некои гробници и големи градби, но овој пат го откривме комплетното лице на населбата“, рече истражувачот Су Лиангао од кинескиот Институт за археологија, кој е дел од Кинеската академија на науки.
Модерните провинции Хенан и Шаанси претставуваат лулка на древната кинеска цвивилизација. Над 10 династии за време на бронзеното време на ова место имале свои престолнини. Тоа, според мислењето на експертите, од почеток сугерирало дека на тој простор каде е откриен локалитетот се наоѓал некој важен центар.
Првите ископувања на Џаигоу почнале во јуни 2022 година, а древниот град набрзо бил окарактеризиран како регионален центар. Во него се откопани некои од најбогатите гробници откриени на просторот на Кина, меѓу кои се издвојуваат 9 аристократски - од кои на 7 имало и нагдробни конструкции со пролази.
Централните делови на населбата од бронзено време се направени од набиена земја, техника за градење која подразбирала правење цигли од мешавина на кал. Покрај објектите за домување, ископани се и згради со различни фукции, како занаетчиски работилници со грнчарски печки.
Но, тоа не е сѐ. Најинтересните пронајдоци претставуваат бронзени кочии со останки од коњи, што според мислењето на експерите кои работеле на истражувањето на локалитетот ќе послужат за расветлување на појавата на кочиите во Кина и развојот на овој обичај поврзан со закопување.