Украина соопшти дека разоткрила 620 наводни „руски шпиони“, меѓу нив и еден кој го користи Skype прекарот JamesBond007, пишува британски Telegraph.
Иако Украина не соопшти како дошла до листата со имиња на 620 ФСБ агенти, истражувачка новинарска група вели дека некои од информациите се темелат на претходно протечени податоци.
Украинците велат дека овие „руски шпиони“ учествуваат во злосторнички активности ширум Европа, а некои од нив делувале и во Велика Британија. На листата има имиња, датуми на раѓање, број на пасоши, телефонски броеви, регистарски ознаки на автомобили и слично.
Меѓу имињата, еден од агентите го користи прекарот JamesBond007, друг сака врвни автомобили, а трет е пијаница кој постојано ги крши сообраќајните прописи.
Украинците не открија како успеале да дојдат до оваа листа.
Ако листата е точна, може да ги компромитира агентите на тајната руска служба, која минатата недела тргна „во лов“ по шпиони во сопствените редови. Претходно во март беше соопштено дека ФСБ не била информирана за инвазијата врз Украина, пишува Evening Standard.
