Идеален рецепт со тестенини, туна и лута пиперка, за љубителите на пикантни јадења.
Потребни состојки:
-160 г туна
-200 г тестенини
-1 лажичка сол
-кромид
-2 чешни лук
-1 лута пиперка
-сол, бибер
-1 лажичка сецкан магданос
-1 лажичка сок од лимон
-маслиново масло
-рендан пармезан
Начин на подготовка:
Сварете ги тестенините според упатството за приготвување. Одвојте половина шолја вода од течноста во која се вареа, а потоа добро исцедете ги. За тоа време, подгответе го сосот.
Во широка тава ставете да се загрее масло на умерена температура за пржење на кромидот и лукот. Кога кромидот ќе добие стаклеста боја, додадете ја добро исцедената туна, сецканото луто пиперче, сокот од лимон и зачинете со сол и бибер.
Мешајте додека туната не се раситни добро, а потоа додадете малку од водата во која се варе тестенините, колку да се разреди сосот.
Потоа додадете ги тестенините и магдоносот, убаво соединете и послужете ги топли, со рендан пармезан.
