Екстремните зимски температури направиле делови од месноста околу градот Воркута да бидат напуштени. Овој град важи за најстудениот во Европа.
Жителите на неколку мали гратчиња околу 70-илјадната Воркута своите домови очајно пробуваат да ги продадат и тоа за багателни цени. Повеќето од нив веќе се имаат преселено во други, појужни места, додека некои заминале кон центарот на градот.
Населението во и околу Воркута почнало да опаѓа со распадот на Советскиот Сојуз кога фабриките за преработка на железо се затвориле. Помеѓу 5 и 20 илјади жители населувале осум мали гратчиња околу рудниците. Порано имало автобуска линија која ги поврзувала сите овие мали места со градот, но сега веќе ни автобусите не работат поради студеното време. Гратчињата Космомољскиј, Воргарош и Рудник се веќе целосно напуштени.
Воркута и населената област околу неа се наоѓаат во самиот Арктички круг. Овој град е четврти најголем европски град во Арктички круг, но е најстуден со измерени рекордни -52 степени Целзиусови.
