Жестока дебата: Кој треба да прими трета доза од вакцината против ковид?

Клучен советодавен панел на Американската администрација за храна и лекови (ФДА), под притисок на администрацијата на претседателот Џо Бајден, ја отфрли иницијативата според која третата, т.н. бустер доза на вакцината против COVID-19 е потребна за сите што биле вакцинирани со две дози пред повеќе од шест месеци.

Панел експерти од ФДА одлучија да препорачаат вакцинација со трета бустер доза на Pfizer само за оние над 65 години и оние со висок ризик од тешки последици од COVID-19.

Со оглед на тоа што FDA е најмоќната регулаторна агенција во светот која одобрува употреба на лекови, вклучително и вакцини, можно е нивната одлука да влијае на продолжувањето на политиката за вакцинација во други земји.

Многу е можно Европската агенција за лекови (ЕМА) да заземе сличен став.

„Нашиот комитет за имунизација ги чека, токму официјалните препораки за и ние тој дел, исто така, го препорачаме. Веќе официјално е препорачана бустер дозата за имунокомпромитираните пациенти, тие кои се на хронична дијализа, меѓутоа треба да помине да помине временски период од шест месеци. Луѓето може да се пријават“, изјави во почетокот на месецов министерот за здравство Венко Филипче.

Трета доза за сите  - засега е неоправдана

Примената на дополнителни дози на вакцина против COVID-19 кај целата популација засега не е оправдана, оценија пред пет дена експерти од СЗО и американската ФДА.

„Вакцините, достапни во ограничени количини, ќе спасат најмногу животи ако се дадат на луѓе со висок ризик од тешка ковид и кои сѐ уште не се вакцинирани“, пишуваат експерти во британското медицинско списание The Lancet.

„Тековните податоци не ја покажуваат потребата за ревакцинација на целата популација, каде што ефикасноста против тешките форми останува висока“, продолжува групата меѓународни експерти, која вклучува експерти од Светската здравствена организација и ФДА и неколку истражувачки организации од целиот свет.

Можноста за дополнителна, обично трета, доза за целата популација е предмет на жестока дебата.

Во земји како Франција, започна вакцинација од трета доза за некои категории на население -  најстарите (шест месеци по вакцинацијата) и лицата со ослабен имунитет.

Овие земји го оправдуваат ова со пад на ефикасноста наспроти делта варијантата и се чини дека овој пад се интензивира со текот на времето.

Некои отидоа подалеку. Во Израел, третата доза е достапна за секој на возраст над 12 години, пет месеци по вакцинацијата. САД започнуваат дополнителна кампања за вакцинација на 20 септември, почнувајќи од најстарите.

Но, СЗО постојано го отфрла принципот за дополнително имунизирање на целото население и верува дека мерката не е научно заснована и ја нагласува нееднаквоста со сиромашните земји.

Експертите чија статија беше објавена во The Lancet веруваат дека, дури и ако нивото на антитела се намали со текот на времето кај вакцинираните луѓе, тоа не значи дека вакцините се помалку ефикасни против тешките форми на болеста.

Тие нагласуваат друг аспект на имунолошкиот одговор, клеточен имунитет, што е потешко да се измери.

Покрај тоа, тие препорачуваат развој на дополнителни вакцини специјално дизајнирани за отпорни варијанти што може да се појават во иднина, наместо да користат дополнителни дози на постоечки вакцини.

реклама

Избрани 31 градоначалник во првиот круг, ВМРО-ДПМНЕ со најмногу победници

Read more

Малолетната ќерка на Хајди Клум позираше со разголени гради за Rollacoaster

Read more

Апасиев: Имаме советници во над 30 општини

Read more

Кање со бизарна маска се појави на свадба кај синот на најбогатиот човек во светот

Read more

Здравје

Колку протеини ни се потребни во текот на денот?

Read more

Два чудни симптоми кои откриваат дека сте прележале COVID-19

Read more

Зошто се појавува кариес иако водите добра орална хигиена?

Read more

Дали со јаболков оцет може да се намали нивото на шеќер во крвта?

Read more
 

Магазин

Зошто секогаш привлекувате погрешни мажи?

Читај повеќе
  • filter

Креативни идеи за уредување на кујна со шанк

Читај повеќе

Колку протеини ни се потребни во текот на денот?

Читај повеќе

Два чудни симптоми кои откриваат дека сте прележале COVID-19

Читај повеќе

Неколку особини на совршениот маж

Читај повеќе

Малолетната ќерка на Хајди Клум позираше со разголени гради за Rollacoaster

Читај повеќе

Instagram убавица: Фрида Асен

Читај повеќе
  • play_arrow

30 минути домашни јога вежби за поголема флексибилност

Читај повеќе

5 работи кои можат да предвидат развод

Читај повеќе