Човекот чии два утнати пенали ја чинеа Италија пласман во баражот наместо место на Маундијалот изјави дека едвај изгледал по некој натпревар бидејќи собирот во Катар едноставно му бил тежок за гледање.
Играчот од средниот ред на Челси и Италија, Жоржињо, откри дека од Мундијалот во Катар видел само неколку натпревар при самиот крај.
„Не бев заинтересиран, не ги знаев ниту саатниците“, почна тој за Sky Sport Italia.
Поранешниот играч на Наполи и Верона го освои ЕУРО 2020 со „Аѕурите“, но потоа доживеа голем шок откако Италија не се квалификува на Мундијалот прво губејќи го првото место во квалификациската група поради неговите два промашени пенали против Швајцарија, а потоа и со елиминацијата од Македонија во полуфиналниот бараж. Веројатно од тие причини не бил заинтересиран да го гледа Мундијалот.
„Искрено, беше многу тешко, особено на почетокот. Беше навистина тешко. Не сакав да ги гледам натпреварите. Заминав на патување со семејството. Изгледав само неколку натпревари на кои играа мои пријатели, но не ги знаев дури ни саатниците“, додаде Италијанецот роден во Бразил.
„Не сакав да гледам. Не бев заинтересиран. При крајот во мене се разбуди Жоржињо кој сака фудбал и почнав да гледам по нешто“, заврши тој.
Жоржињо денеска полни 31 година. Од 2016 е репрезентативец на Италија, но со земјата на неговите предци пропушти два мундијала, па можно е во кариерата да остане и без мундијалски настап со оглед на тоа што на наредниот Мундијал ќе има 34 години.
Претходно имаше изјавено дека промашените пенали со Швајцарија вечно ќе го прогонуваат.
