Женската репрезентација на Канада го освои златниот медал на хокеарскиот турнир на Олимпијадата во Пекинг, додека Швајцарката Мишел Гизин го освои златото во супер комбинација.
Канаѓанките рано утрово ги совладаа своите лути ривалки од САД со 3:2 (2:0; 1:1; 0:1).
Двоен стрелец за победничката репрезентација беше Мари-Филип Пулен, а еднаш погоди Сара Нерс. За Американките реализираа Хилари Најт и Аманда Кесел.
За Канада ова е петти златен медал на Олимпијадите. Претходно хокеарките на оваа земја победуваа на ЗОИ во 2002, 2006, 2010 и 2014 година.
САД не успеаја да го одбранaт златото освоено на претходната Олимпијада во Пјонгчанг 2018 година.
Швајцарката Мишел Гизин го освои златото во супер комбинација на Олимписките игри во Пекинг. Таа оствари најдобро време по трките во спуст и слалом.
Сребрениот медал го освои сонародничката на Гизин, Венди Холденер, додека замина кај Федерика Брињоне.
Гизин стана двократен олимписки шампион. Таа, претходно, го освои своето прво олимписко злато во супер комбинација на Олимпијадата 2018 во Пјонгчанг.
Резултати на првите три во алпска комбинација:
- Мишел Гизин (Швајцарија) – 2:25,67 минути
- Венди Холденер (Швајцарија) – 2:26,72
- Федерика Брињоне (Италија) – 2:27,52
