Проукраинскиот белоруски Telegram канал, кој објавува разузнавачки информации, наведува дека вчера во Белорусија биле забележани „значителни“ маневри на тешко руско оружје, пренесува BBC News.
Во соопштението се наведува дека возови полни со руско оружје и возила се забележани на железничките станици во главниот град Минск, но и на неколку станици во југоисточна Белорусија.
Тенкови и камиони, како и противвоздушни ракетни системи и оклопни амфибиски возила, се забележани на железничката станица во Речица во југоисточна Белорусија.
На аеродромот Баранавичи во западна Белорусија полетале шест руски борбени и транспортни авиони, а од аеродромот Мачулиши кај Минск полетале неколку руски хеликоптери.
Белорускиот диктатор Александар Лукашенко е сојузник на рускиот претседател Владимир Путин и му помага од почетокот на војната во Украина. Русија го повлече најголемиот дел од своите сили од северна Украина и се фокусира на источниот регион Донбас.
