Ако ве интересира која серија е најпопуларна на торент сајтовите, го имаме одговорот.
„House of the Dragon“ и „The Lord of the Rings: The Rings of Power“ се две различни серии кои веќе месец и половина предизвикуваат големо внимание кај публиката и критичарите, бидејќи сео содржината се поврзани со претходни остварувања низ чија призма ги гледа голем дел од публиката.
Освен што се појавија во скоро ист период, мака мачат со пиратските онлајн кина каков што е Stremio кој емитува премиера на новите епизоди напоредно со HBO и Amazon Prime, па дури и пред нив.
Каква е ситуацијата со двете серии на пиратските сајтови?
Со помош на IKnow може да се прегледа и спореди на Bittorent сообраќајот во последните две недели (од 7 до 21 септември). „House of the Dragon“ со над 1.4 милиони преземања во ден е дефинитивно популарна серија. Во текот на две недели серијата има скоро 10 милиони преземања.
„The Lord of the Rings: The Rings of Power“ не е ни близу со максималната процена на број на преземања од околу 650.000. За две недели, серијата има околу 5 милиони преземања.
Сепак, ова е јасен показател дека и двете серии се популарни.
Знаете ли каде се најголемиот број од преземањата на „House of the Dragon“?
Според Torrent Freak, Русија е на врвот што и не е чудно бидејќи нема легални опции за гледање на серијата. Втор на листата е Бразил, додека САД се на третото место.
Меѓу првите 10 земји се Индија, Обединето Кралство, Јужна Африка, Кина, Филипини, Австралија и Франција.
