Ако кафето е првото нешто по кое посегнувате кога ќе се разбудите, време е да ја смените оваа навика.
Нутриционистката Оливија Хедлунд предупреди дека пиењето кафе на празен стомак може да предизвика големи проблеми со работата на цревата и да се поигра со хормоните.
„Кафето е кисело, така што не ‘легнува’ добро на празен стомак. Исто така, предизвикува телото да оди во состојба на висок стрес и ги нарушува вашите хормони“, сподели Хедлунд.
Таа објасни дека реакцијата на стрес ги предизвикува потресите кои ги чувствуваме после кафето, но и тоа чувство на еуфорија како да сме во состојба да го освоиме целиот свет.
„Тоа добро чувство влијае на вашето тело, особено кај жените и оние со проблеми со цревата или хормонална нерамнотежа. Пиев повеќе шолји кафе на празен стомак, се чувствував како да сум на врвот на светот, а потоа ќе добиев акни и се прашував зошто “, додава Хедлунд.
Нејзин совет е да се напиете нешто друго пред утринското кафе. Ако можете, добро би било да јадете нешто. Хедлунд советува јајца, сирови млечни производи, бобинки, јаболко или круша.