Роберт Дауни Џуниор го отелотвори Тони Старк и неговото алтер его Iron Man.
Тој толку добро го одигра ликот што на фановите им е тешко да замислат кој било друг актер во улогата.
Во 2008 година, Iron Man му овозможи на Marvel да застане на нозе и ја создаде основата за создавање на филмскиот свет што денес го знаеме како MCU. Во последниве години, имаше гласини дека Том Круз бил изборот на Marvel уште во 90-тите како актер да го портретира Iron Man.
Бидејќи изборот падна на Дауни и MCU го воведе концептот на мултиверзумот, фановите се надеваа дека конечно ќе го видат Круз како нивниот омилен херој. Сепак, тоа не се случи и секој ден шансите се сè помали.
Сега, во книгата MCU: The Reign of Marvel Studios од Џоан Робинсон, откриено е дека 61-годишниот актер навистина требало да го игра Iron Man. Но, тоа на крајот не се случило поради едно негово барање кое раководителите на студиото не можеле да го исполнат.
„Околу една деценија порано, кога правата на Iron Man беа под 20th Century Fox, тогаш 34-годишниот Том Круз размислуваше за идејата да го игра Тони Старк. Сепак, според Feige, барањата за плата на Круз беа премногу за Fox, кој во тоа време не сакаше да ризикува со непроверен суперхерој“, се вели во книгата.
Очигледно не му беше тешко на легендарниот акционен актер. И покрај одбивањето од Marvel и Fox, тоа никако не му наштети во кариерата која ја збогати со бројни филмови, особено оние од франшизата Mission Impossible. Неговиот претстоен филм Mission Impossible 8 е одложен поради штрајкот на актерите.