Facebook добива податоци за корисници од широк спектар на компании, а новата студија на Consumer Reports фрла повеќе светлина врз обемот на практиката.
Истражувачите откриле дека, во просек, Facebook добивал податоци од 2.230 различни компании за секој од 709-те волонтери. Во еден екстремен пример, речиси 48.000 различни компании беа пронајдени во податоците на еден волонтер.
Вкупно, архивите со податоци на Facebook покажаа дека 186.892 компании обезбедиле податоци за сите учесници во истражувањето.
Волонтерите ги „извадиле“ своите лични податоци од Facebook користејќи ја опцијата Download Your Information а потоа ги споделиле со истражувачите.
Компаниите кои ја користат платформата за рекламирање Met обезбедуваат информации за личните податоци на корисниците и навиките за купување, кои потоа Meta ги користи за да им сервира насочени реклами на тие луѓе или луѓе како нив.
Во 96% од случаите, архивата со податоци на учесниците во студијата содржела информации споделени од брокер за податоци наречен LiveRamp, но имало и компании како The Home Depot, Walmart или Amazon.