Колку е чудна природата околу нас и колку е големо и моќно животинското царство ќе видите во следните примери кои се показател за спојот на имагинацијата и снаодливоста за опстанок на животните и природата.
Термитите се социјални инсекти кои градат големи гнезда во земја или дрво и можат да предизвикаат оштетување на дрвените структури. Тие понекогаш се нарекуваат бели мравки, иако припаѓаат на сосема поинаков вид на инсекти. Компас термитите градат гнезда во форма на големи купови во облик на клин. Клиновите се грубо ориентирани кон југ и север, поради што овој тип на инсекти го добил името компас.
Пчелите се тесно поврзани со осите и мравките. Главна карактеристика на сите пчели е што собираат цветен полен за храна, како извор на протеини, и цветен нектар како извор на јаглехидрати. Најпознат вид е европската медоносна пчела.
На Земјата има околу 20.000 видови пчели во 7 семејства распространети во речиси сите делови на светот. Големината се движи од 2 mm до 4 cm. Тие се главно црни или сиви. Основната поделба е според нивниот начин на живот на осамени и социјални пчели.
Осата е инсект кој има мазно тело со црно-жолта боја, кое на задниот дел од телото има отровен убод што може да го вовлече и кој се разликува од пчелата. Од дрвото што го џвака прави гнездо кое има повеќе омоти. Во пролетта, осите градат осило во земја или на заштитено место каде што прво се развиваат работниците. Ларвите на осите се хранат со изџвакани инсекти. Возрасните оси се хранат со мед или цветен сок.
Кога ќе дојде времето за сокривање, туларите својот оклоп го прават со тркалање во песок, камчиња, школки и слично. Тие ги поврзуваат овие елементи со нишките од сопствената свила и на тој начин безбедно растат. Францускиот уметник Ибер Дупар решил да го искористи ова, па собрал тулари и ги ставил во аквариум заедно со златни честички, бисери и скапоцени камења, а резултатот бил импресивен.
Оваа птица, која припаѓа на фамилијата Furnariidae, гради силни гнезда од глина и кал. Гнездата често се градат на спратови, а нивната сила е доволно голема за да ги заштити станарите од предатори. Квалитетот на градбата овозможува други видови да се вселат во гнездото откако првиот сопственик ќе го напушти. Овој вид птица живее во Јужна Америка, главно во Аргентина и Уругвај.
Се работи за вид на птица која живее во Јужна Африка, Набимија и Боцвана и која гради големи цврсти гнезда на дрвја или други големи градби, како јарболи за знамиња. Гнездата често се направени од трска или трева, чија внатрешност е со висока температура, која се одржува благодарение на коморите во кои птиците престојуваат ноќе. Гнездата можат да служат неколку генерации.
