Паровите во кои жените се неколку години постари од мажите и понатаму се табу тема, додека кога ситуацијата е обратна и мажите се постари е многу поприфатлива. Сепак, се повеќе дами, особено во Холивуд, покрај себе имаат помлади мажи. Во што е тајната?
Ако сте постара од партнерот, логично е дека сте минале низ многу повеќе работи од него и сте се соочиле со многу предизвици низ кои тој тек ќе треба да минува. Вие сте помудри, поискусни и попаметни, а токму тоа помладите мажи го бараат во постарите жени. Му помагате подобро да се носи со неговите проблеми.
Богатото животно искуство исто така помага јасно да ги дефинирате вашите цели и знаете што сакате, без разлика дали е тоа работа, приватен живот или љубов. Знаете каков маж сакате покрај себе и одлучни сте во тоа. Вашите јасни ставови го импресионираат и му го поедноставуваат животот, а тој е поласкан што сте го избрале токму него.
Во текот на годините, жените стануваат попребирливи, ја ценат својата слобода и себеси се ставаат на прво место. Бираат само мажи кои можат да им парираат, не сакаат некој кој не им одговара. Ако одберат маж помлад од нив, ќе му го подигнат егото. Тој ќе биде поласкан што е посакуван од успешна, самоуверена и остварена жена.
Не постои ништо попривлечно од жена која се чувствува одлично во нејзината кожа. Природно е помладите девојки да страдаат од недостиг на самодоверба. Сепак, таа се гради со искуство и доаѓа со годините.
Уште една предност на зрелите жени е што се емоционално постабилни, а мажите го сакаат тоа. Нема да прават драма таму каде што не треба знаат да ја смират ситуацијата и рационално да ги согледаат работите. Знае како да ја смири топката и тоа име важно на мажите.
Постарите жени кои се задоволни и остварени е се срамат од себе и сакаат да го споделат нивното искуство со помлади партнери. Тоа е возбудливо о привлечно за помладите мажи, нешто што не можат да го добијат од нивните врснички.
Обично се верува дека мажите сакаат да доминираат во врската, но реалноста е малку поинаква. Мажите сакаат жени кои ќе им кажат што да прават и како тоа да го направат. Жени кои ќе ги земат работите во свои раце и ќе испланираат одмор, ќе платат сметки, ќе организираат реновирање на станот и ќе кренат кредит за тоа.
Постарите жени се почитуваат себеси и истото го бараат од партнерот. Во спротивно, си заминуваат и го забораваат, како да не постоел, без солзи и без драма. Тој не е ни прв, ни последен и е свесен за тоа.
