Овошјето содржи малку калории и е богато со влакна и витамини. Покрај тоа, ви дава подолго чувство на ситост, па затоа е важно за време на процесот на слабеење.
Иако постои верување дека овошјето содржи големи количества шеќер и дека треба да се избегнува во процесот на слабеење, консумацијата на овошје всушност ја намалува тежината и ризикот од дијабетес, висок крвен притисок и други болести.
Грејпфрутот обично се поврзува со диети и слабеење. Половина грејпфрут (околу 120 грама) содржи околу 35 калории, додека обезбедува 51% од дневната вредност на витамин Ц. Има низок гликемичен индекс, што значи дека побавно го ослободува шеќерот во крвотокот.
Јаболката се нискокалорични и содржат многу влакна, што е добро доколку сакате да ослабете. Најдобро е да ги јадете цели за да го намалите гладот и апетитот. Можете да ги комбинирате со разни јадења, но најдобро е да ги јадете како свежа храна.
Бобинките се многу популарни како додаток на разни каши. Сите видови бобинки се нискокалорични и содржат голем број на хранливи материи. Богати се со витамини Ц, К и манган, а можат да помогнат во намалување на холестеролот, воспалението и крвниот притисок.
Ова овошје вклучува праски, нектарини, сливи, цреши и кајсии. Имаат низок гликемичен индекс и богати се со витамините Ц и А. Овој вид на овошје може да се јаде како додаток во овошни салати, каши, но и како додаток на солени јадења како што се чорбите.
Кивито е многу богато со хранливи материи, одличен извор на витамини Ц и К, фолна киселина и влакна и има значителни здравствени придобивки, помагајќи да се намали ризикот од дијабетес. Кивито може да помогне во контролата на шеќерот во крвта, да го подобри холестеролот и да го поддржи здравјето на цревата
Лубениците и дињите се нискокалорични и богати со вода, што ги прави одлични за контрола на тежината. Околу 150 грама од ова овошје содржи околу 50 грама калории. Тие се исто така богати со растителни влакна и содржат калиум и витамин Ц. Сепак, имаат висок гликемиски индекс, па затоа е важна контролата на порциите.
Како и сите цитрусни овошја, портокалите се нискокалорични, богати со витамин Ц и влакна и многу заситуваат. Иако луѓето почесто ги консумираат цедени, всушност најдобриот начин е да се јадат.
Некои луѓе избегнуваат банани кога се обидуваат да ослабат бидејќи содржат повеќе шеќер и калории. Сепак, тие се побогати со хранливи материи како што се калиум, магнезиум, манган и витамини Б6 и Ц.
