Поранешниот предводник на Наполи, Андреа Агостинели, ги советуваше „Аѕурите“ да не го ангажираат напаѓачот на Манчестер Јунајтед, ѕвездата Кристијано Роналдо.
Во пресрет на затворањето на преодниот рок, италијанските медиуми објавија дека 37-годишниот Португалец би можел да се пресели во наполитанскиот клуб доколку напаѓачот Виктор Осимхен се пресели во редовите на „Врвените ѓаволи“.
„Би сакал да ги слушнам размислувањата на Спалети за тоа дали евентуалното доаѓање на Кристијано во добро склопен тим ќе биде проблем или не. Некои играчи веќе почнаа да се бунтуваат. Роналдо можеби постигнува голови, но игра за себе. Зошто да си создаваш проблем? Доколку дојде Кристијано, ќе мора да игра постојано. Сигурен сум дека Спалети не го сака Роналдо во тимот. Ако ти дадат 100 милиони евра, треба да го продадеш Осимхен, но не е неопходно да се потпише Португалецот на негово место“, истакна Агостинели.
Оваа сезона Роналдо учествуваше на 4 натпревари во Премиер лигата, нема постигнато гол или направено асистенција. Договорот на напаѓачот со клубот е до 30 јуни 2023 година.
Осимхен има 2 гола и 1 асистенција на 2 натпревара за Наполи сезонава во Серија А Договорот на напаѓачот со клубот е со важност до летото 2025 година.
Агостинели кратко го водеше Нашоли во 2003 година кога клубот беше во Серија Би, а како играч една сезона настапи за „Аѕурите“ и тоа во сезоната 1979/1980.