Ф1 тимот Алфа Ромео подготви посебен изглед на својот болид за трката што ќе се одржи во недела во Азербејџан.
Изгледот на C42 F1 болидот е променет за да го одбележи доаѓањето на патниот модел на пазарот, електричниот теренец Tonale.
Промената на изгледот на билидот се однесува на хаубата, а крилата сега се зелени, што во комбинација со стандардните црвено-бели бои го претставува знамето на Италија.
Станува збор за зелената боја Montreal во која доаѓа новото Tonale, но која е исто така поврзана со идентитетот на Alfa и преминот кон „поодговорен и одржлив концепт за мобилност“, како и со италијанскиот идентитет.
На хаубата се препознава обликот на светлата на Tonale.
Tonale ќе биде во продажните салони овој викенд, а возачите на Алфа Ромео тимот, Валтери Ботас и Џоу Гуанју, го тестираа претходно оваа година на италијанските Алпи.
