Американката Грајнер во Русија осудена на 9 години затвор, остри реакции од САД

Американската кошаркарка Бритни Грајнер денеска пред рускиот суд во Химки е осудена на 9 години затвор поради поседување и шверц на дрога.

– Судот ја прогласи обвинетата за виновна за илегално поседување и трговија со значителна количина дрога, изјави судијката Ана Сотникова. Судијката рече дека обвиненијата за поседување и трговија со дрога се докажани на судењето и оти времето поминато во притвор ќе се пресмета во казната на Грајнер.

Грајнер во притвор е од 17 февруари, кога беше приведена на руски аеродром откако властите во нејзиниот багаж пронајдоа помалку од еден грам хашиш-масло. Грајнер, исто така, е казнета и парично, во износ од еден  милион рубљи, што е приближно 16.300 долари.

Претходно денеска руското обвинителство побара затворска казна од 9 и пол години, додека одбраната побара ослободување.

Сопругата на Грајнер, кошаркарките од нејзиниот тим, соиграчките од ВНБА, како и спортисти од сите спортови, веднаш упатија остри реакции и побараа нејзино ослободување.

Реакција веднаш дојде и од американскиот претседател Џо Бајден, кој рече дека пресудата на рускиот суд е неприфатлива и ја повика Москва веднаш да ја ослободи.

„Денеска, американската државјанка Бритни Грајнер беше осудена на затвор, што е уште еден потсетник на она што светот веќе го знаеше: Русија погрешно ја затвора Бритни“, нагласи Бајден во изјавата.

Тој додаде дека тоа е неприфатливо и ја повика Русија веднаш да ја ослободи Грајнер, „за да може да биде со партнерката, саканите, пријателите и соиграчите“.

Американскиот државен секретар Антони Блинкен, исто така упати критики по повод пресудата и рече дека тоа „дополнително ја зголемува неправдата од нејзиниот незаконски притвор“ и ја зголемува американската загриженост за „рускиот правен систем и употребата на погрешни притвори од страна на руската влада заради унапредување на својата сопствена агенда, користејќи поединци како политички пиони“.

Правникот тим на 31-годишната кошаркарка најави дека ќе се жали на пресудата, истакнувајќи дека Судот ги игборирал сите докази што тие ги доставиле.

„Многу сме разочарани од пресудата. Како правни професионалци, сметаме дека судот треба да биде праведен кон сите без разлика на националноста. Судот целосно ги игнорираше сите докази на одбраната и што е најважно признавањето на вината“, се вели во соопштението.

„Ова е во спротивност со постојната правна практика. Имајќи ја предвид количината на супстанцата (да не зборуваме за недостатоците при експертизата) и изјаснувањето, пресудата е апсолутно неразумна. Сигурно ќе поднесеме жалба“, додаваат тие.

реклама

Дали сте знаеле: Македонец го дизајнирал славниот југословенски киоск

Read more

Почнува период што се случува еднаш на 12 години: Што ќе му донесе на секој хороскопски знак?

Read more

Зошто Кинезите престанаа да ги исплаќаат кредитите за стан?

Read more

Руската новинарка уапсена во Косово: Полицијата ме испрашуваше за шпионажа

Read more

Кошарка

Јончевски: Пласман на ЕУРО по пауза од 10 години би бил успех за оваа репрезентација

Read more

Ултиматум на Дурент: Ќе останам ако ги отпуштите овие двајца

Read more

Грците бесни на бојата на новите кошаркари: Ова не е наша репрезентација

Read more

Леброн сѐ уште размислува за понудата од речиси 100 милиони долари за нов договор

Read more
 

Спорт

Јужна Кореја победник на ракометниот Мундијал во Скопје

Читај повеќе

Швјонтек: Ќе играм послободно, бидејќи веќе не морам ништо да докажувам

Читај повеќе

Албумот на Panini за Мундијалот во Катар излегува на 24 август

Читај повеќе

Манчини ги прогласи фаворитите за освојување на Серија А

Читај повеќе

Катар бара од ФИФА Мундијалот да почне ден порано

Читај повеќе
  • filter

Дресовите на премиерлигашите: Лестер најлош, Вест Хем најубав

Читај повеќе

Левандовски: Се чувствувам како дете со нова играчка

Читај повеќе

Почина Кирил Дојчиновски, легенда на македонскиот фудбал

Читај повеќе

Јувентус три недели без првиот голман Шченсни

Читај повеќе