Војската на САД потпиша договор од 20 милиони долари со калифорнискиот Skydio за производство на склопливи дронови.
Целта на американската војска е да се дистанцира од странските и комерцијално достапни дронови, па Skydio сега ќе ги произведува своите беспилотни летала X2D за воената програма SSR (Short Range Reconnaissance).
Војската на САД ќе ги опреми војниците со беспилотни летала кои брзо се ставаат во акција и се користат за извидување и надзор во краток досег. Воената програма SSR веќе некое време ја разгледува можноста за употреба на мали беспилотни летала, а досега 30 компании доставиле свои предлози. Ригорозните тестирања ја скратија листата на пет компании, а победник беше споменатиот Skydio.
Според бараните спецификации, беспилотните летала треба да можат да поминат 30 минути во воздух, досегот не смее да биде помал од три километри, а да издржат брзина на ветер до 28 км/ч. Бидејќи се работи за извиднички задачи, дронот треба да поддржува и мапирање и можност за гео-означување на фотографиите.
Дронот X2D има оптички термални сензори со две бои кои можат да снимаат видео во 4K, а исто така е опремен со технологија за ноќно летање базирана на GPS. 35-минутниот лет вклучува максимална брзина од 40 км/ч, како и способности за вештачка интелигенција како што се избегнување пречки и откривање предмети.
Дронот е полесен од 1,3 кг и може да се преклопи за да ги намали димензиите за половина од големината при лет. Склопливиот дрон може да се расклопи и подигне во воздух за 75 секунди. Контролерот тежи неколку стотици грама помалку од дронот и има екран кој може да пренесува видеорезолуција од 720p додека „комуницира“ со дрон оддалечен до 6 километри.
Предноста на Skydio е фактот што дизајнот, производството и поддршката се направени на американско тло. Во 2017 година, американската војска ја забрани употребата на комерцијални дронови DJI поради безбедносни ризици, а минатата година беа забранети сите беспилотни летала и потсистеми на други земји.
Во јуни 2020 година, американската војска нарача и „џебни дронови“ со тежина од 33 грама, кои можат да летаат до 25 минути.
