Досегашниот помошник на Роберто Мартинес не се пријави на конкурсот за нов селектор на Белгија.
Поранешниот француски фудбалер Тјери Анри демантираше дека сака да биде нов селектор на белгиската репрезентација, пренесува Sky Sports.
Некои француски медиуми објавија дека Анри ѝ понудил на Кралската фудбалска асоцијација на Белгија (РБФА) да биде нов селектор на оваа земја по заминувањето на Роберто Мартинес.
Белгија во моментов е без селектор, бидејќи Мартинес поднесе оставка по елиминацијата во групната фаза на Светското првенство во Катар и набрзо најде нов ангажман на клупата на репрезентацијата на Португалија.
„Би сакал да биде потполно јасно дека никогаш не сум контактирал со РБФА за да ги понудам моите услуги како нов селектор на репрезентацијата“, изјави Анри за Sky Sports.
Анри беше асистент на Мартинес во белгиската репрезентација од 2016 до 2018 година, а потоа и од 2021 година до оставката на Шпанецот. Мартинес неодамна ја презеде репрезентацијата на Португалија.
Французинот (45) беше тренет на канадски Монтреал Импакт и Монако, а за француската репрезентација одигра 123 натпревари и постигна 51 гол.
РБФА на крајот на минатата година објави конкурс за нов селектор на Белгија, но сѐ уште нема назначено човек кој ќе ја предводи „Црвените ѓаволи“ во квалификациите за ЕУРО 2024. Белгија првиот предизвик го има на 24 март кога игра против Шведска на гости во Солна. Во квалификациската група Ф се уште и Австрија, Азербејџан и Естонија.
