Администрацијата на аргентинскиот претседател Хавиер Милеј ги нарече лажни тврдењата на боливиските власти за обид за државен удар во таа земја.
![](/sites/default/files/styles/article_image_xxl/public/2024-07/4654%D1%95%D1%854%D1%854%D0%B5.jpg?itok=vZz3HFfr)
„Канцеларијата на претседателот ги осудува лажните наводи за обид за државен удар од страна на владата на Боливија на 26 јуни, што, како што е докажано денеска, беше измама“, се вели во соопштението.
Во него се наведува дека околностите на пучот изгледале неубедливи за владата од самиот почеток.
„Боливиската демократија е во опасност. Не поради воен удар, туку затоа што, историски гледано, социјалистичките влади се претвораат во диктатури“, смета аргентинскиот претседателски кабинет.
Претходно, поранешниот боливиски претседател Ево Моралес го обвини актуелниот претседател Луис Арсе дека „го измамил народот на Боливија и светот“.