Градоначалничката на град Скопје, Данела Арсовска, објави видео на Facebook на кое покажа како изгледа украсувањето на Скопје, во новогодишен дух. Поставена е новогодишната елка, а покрај неа на плоштадот има и десетина новогодишни куќарки.
Над елката се поставени светилки, како и над куќарките и дрвјата на плоштадот. Низ центарот на градот нема други новогодишни украси.
Градот Скопје не соопшти од каде се обезбедени овие декорации, ниту колку пари се одвоени за нив, пишува СДК.мк.
„Да не пишевте Скопје, ќе помислев дека ова е Париз. Секоја чест“, гласи еден од коментарите на објавата на Арсовска.
„Супер, почнува да се осеќа доаѓањето на новата година“, гласи друг коментар.
„Бедно, закаснето, пластично“, смета друг.
Но, има и такви кои се одушевени од новогодишната елка.
„Одлично и браво, вака ја личи една метропола“.
