На 25 јуни, напредниот вселенски телескоп James Webb сними нова фотографија од Сатурн, втората по големина планета во Сончевиот Систем, која НАСА ја објави денеска.
Самиот Сатурн изгледа исклучително темно во оваа инфрацрвена бранова должина на која гледа телескопот, бидејќи метанот ја апсорбира речиси целата сончева светлина што ја погодува атмосферата. Сепак, ледените прстени остануваат релативно светли, што доведува до необичен изглед на Сатурн на сликата на James Webb.
Оваа слика е направена како дел од програмата Webb Garanted Time Observation 1247.
Програмата вклучуваше неколку многу длабоки изложувања на Сатурн, кои беа дизајнирани да ја тестираат способноста на телескопот да ги детектира слабите месечини околу планетата и нејзините светли прстени.
Секоја новооткриена месечина би можело да им помогне на научниците да создадат поцелосна слика за сегашниот систем на Сатурн, како и за неговото минато.
Оваа нова слика на Сатурн јасно ги прикажува деталите во планетарниот прстен, заедно со неколку месечини на планетата - Диона, Енцелад (Енкелад) и Тетис, што ги одушеви вљубениците во астрономијата.
Дополнителни подлабоки експозиции (кои не се прикажани на фотографијата) ќе му овозможат на истражувачкиот тим да истражи некои од планетарните прстени на Сатурн кои се помалку видливи на оваа слика, вклучувајќи го тенкиот прстен G и дифузниот прстен Е.
Прстените на Сатурн се составени од различни фрагменти од карпи и мраз - честички со големина од помали од зрно песок до неколку големини на планинските врвови на Земјата.
