Авионот на руската авиокомпанија Smartavia излетал од пистата при слетување на аеродромот во Перм, нема повредени, пренесува РИА Новости.
„Летот 5H 583 на авиокомпанијата Smartavia од Санкт Петербург се излизга од пистата при слетување на аеродромот во Перм. Во моментов аеродромот 'Бољшој Савино' е затворен за пристигнување и полетување на авиони“, се вели во соопштението на надлежните.
Како што е прецизирано, во инцидентот нема повредени, а во авионот имало 186 патници и 6 членови на екипажот.
Како причина за инцидентот се наведени лошите временски услови.
