Австралиската машка тениска репрезентација се пласира во финалето на годинешното издание на Дејвис купот откако во полуфиналето во Малага ја совлада Хрватска со 2-1.
Решавачкиот бод на Австралија ѝ го обезбедија Макс Пусел и Џордан Томсон кои во дуелот на двојки беа поуспешни од Никола Мектиќ и Мате Павиќ со 6-7, 7-5, 6-4.
Претходно Хрватска во водство ја донесе Борна Чилиќ со победа над Танаси Кокинакис (6-4, 6-3), додека на 1-1 израмни Алекс Де Минаур совладувајќи го Марин Чилиќ со 6-2, 6-2.
Австралија во финалето закажано за во недела ќе игра против победникот од денешното второ полуфинале меѓу Италија и Канада.
