Кинеската компанија Xiaomi би требало да го започне производството на својот електричен автомобил од наредната година.
И покрај бројните предизвици, бизнисот на Xiaomi со автомобилите има побрзо темпо од очекуваното. Ова го потврди Леи Јун, основач, директор и претседател на Xiaomi, кој изјави дека зимското тестирање на првиот автомобил на оваа компанија успешно е завршено и дека тимот кој стои зад него забрзано расте и ги завршува задачите побрзо од очекуваното.
Јун изјави дека производството на автомобилот треба да започне во првата половина од 2024 година. До сега, компанијата има инвестирано повеќе од 433 милиони долари во развојот на бизнисот со автомобили, а тимот сега го сочинуваат 2.300 луѓе. Годинава се очекува инвестиција од околу 2,8 милијарди долари, а дополнителни 14 милијарди се очекуваат во наредните пет години.