BARBENHEIMER заработува сериозни пари на киноблагајните откако два од најочекуваните филмови се појавија во кината на крајот на минатата недела.
Barbie и Oppenheimer заработија вкупно 465 милиони долари од продажба на билети, со што овој викенд стана премиерен викенд со најголема заработка на киноблагајните на сите времиња.
Barbie, со Марго Роби во главната улога, заработи 155 милиони долари во САД од продажба на билети и повеќе од 300 милиони долари ширум светот, според Deadline. Ова значи дека е најдоброто филмско деби во 2023 година. Само Avengers: Endgame од 2019 година беше подобар со 357 милиони долари.
Oppenheimer, со Kилијан Марфи во главната улога, го зазеде второто место со повеќе од 80,5 милиони долари во САД и 165 милиони долари ширум светот.
Викендот зад нас е најпосетен во кината од пандемијата и го засени викендот кога Spider-Man: No Way Home пристигна во кината. Тој филм заработил 281,8 милиони долари.
Barbie стана филм со најголема заработка во 2023 година по неговиот прв викенд, симнувајќи од престолот Super Mario Bros. и неговите 146,4 милиони долари. Дополнително, Грета Гервиг влезе во историјата на бокс-офисот откако нејзиниот филм Barbie постигна најголема заработка во првиот викенд од прикажувањето за филм на жена режисер.
