Американската јавност остана запрепастена од навивачот кој воопшто не покажа грижа за неговото здравје фрлајќи се преку оградата од трибината за да го фати топчето и да осигура хоум-ран на Њујорк Јенкис.
Арон Џаџ во вторникот вечерта го направи 62. хоум-ран оваа сезона откако го погоди топчето кое полета кон трибините. Таму, пак, загреан навивач поита да го фати и дури се фрли преку оградата паѓајќи од високо.
Иначе, неговиот Њујорк Јенкис загуби со 2:3 од Тексас Ренџерс.
Претпоставките се дека навивачот сакал да го фати топчето за да има кај себе дел од историјата, со оглед на тоа што со овој хоум-ран Џаџ го собори рекордот на Роџер Марис од далечната 1961 година за број на хоу-ран во една сезона. Или можеби за да го продаде на eBay за добра цена бидејќи бејзбол меморабилијата знае да достигне високи цени.
Подоцна беше обелоденето дека навивачот не претрпел сериозни повреди, но и дека за негова несреќа не успеал да го фати топчето, а воедно и бил отстранет од стадионот.
