Британскиот актер Бенедикт Камбербач верува дека би можел да биде нулта ковид пациент на почетокот на избивањето на пандемијата со коронавирусот, пренесе Huffington Post.
Актерот во интервју за The Independent вели дека ги анализирал симптомите што ги имал, а сега верува дека е еден од првите заразени со вирусот.
Откако ги прочитал првите извештаи за пандемијата, 44-годишниот актер изразил загриженост дека можеби придонел за ширење на пандемијата.
Тој објаснува дека бил многу болен за време на снимањето на „The Mauritanian“ во Кејпатун, Јужна Африка, кон крајот на 2019 година.
„Бев многу болен, за малку ќе завршев со воспаление на белите дробови. Потоа размислував, Боже мој, зар е можно да сум бил меѓу првите заразени?“, вели актерот.
И покрај тоа што бил болен и повраќал, сепак го завршил снимањето на филмот.