Бодибилдерот Мет Морсија во ново видео на YouTube објасни колку сила изгубил во последните 100 дена откако престанал редовно да тренира.
„Да бидам искрен, прилично сум лут. Не сакам да се шегувам и да се обидувам да бидам трпелив, но многу потешко е кога треба да се чека“, коментира Мет кој по лекарски преглед одлучил да ја посети теретаната и да проба да вежба.
Мет во последно време многу помалку вежба бидејќи закрепнува од повреда.
Сега, тренингот го завршува со по три серии по 10 со тегови од 100 килограми, што инаку му било загревање.
„Ова е 30% од мојот максимум, значи многу, многу бавно. Не ме боли толку силно колку што очекував. Малку го чувствувам грбот бидејќи немам тренирано скоро три месеци“, вели тој.
Додава дека малку по малку ќе ја зголемува тежината и ќе им даде можност на тетивите да се адаптираат и да зацврстат.
