Премиерата на „Godzilla vs. Kong“им даде надеж на холивудските студија во време на пандемија, откако постави рекордна заработка од 48,5 милиони долари во првите пет дена од прикажувањето, пишува Variety.
Викендов Warner Bros. заработи 32 милиона, односно 48,5 милиони долари за време на првите пет дена прикажување во киносалите во САД.
„Иако ова е само половина од она што би било во нормални околности, викендот е јасен и позитивен показател дека одењето в кино има свои силни страни коишто не исчезнуваат“, изјави Дејвид А. Грос, кој раководи со филмската консултантска фирма Franchise Entertainment Research.
Тој ја опиша продажбата на билетите за викендот како „моќна“, со оглед на сѐ уште тешките услови. Повеќе од 50 отсто од кината во САД се отворени, но многумина, вклучително и оние во Њујорк и Лос Анџелес, работат со намален капацитет поради безбедносните протоколи.
На светскиот бокс офис, „Godzilla vs. Kong“, со премиера минатиот викенд, заработи 236 милиони долари, додека досегашната заработка е 285 милиони долари. Филмот е направен со буџет од 165 милиони долари.
На второто место на бокс-офисот во Северна Америка е „The Unholy“, со заработка од 31,2 милиони долари.
„Nobody“ е на трето место со 3 милиони долари, додека „Raya and the Last Dragon“ заработи 2 милиони долари во петтиот викенд од прикажувањето. „Tom and Jerry“ се најде на петтото место, со заработка од 1,4 милиони долари.