Болидот на Ferrari F2003-GA, со кој Михаел Шумахер ја освои шестата светска титула во Формула 1, беше продаден за рекордна сума од 14,6 милиони швајцарски франци или 14,8 милиони долари.
Во 2003 година, Шумахер ја освои титулата по тешка борба со Кими Раиконен од Мекларен и Хуан Пабло Монтоја од Вилијамс. Германецот постигна шест победи во сезоната и заработи два бода повеќе од главниот ривал.
„Развиен е од двајцата инженери Рори Бирн и Рос Браун, кои одлучија да направат подолго меѓуосовинско растојание за подобра аеродинамика“, вели Винсент Луизи, задолжен за продажба на луксузни автомобили во аукциската куќа Sotheby's.
Со овој болид Шумахер во сезоната 2003 година оствари пет победи и тоа во Шпанија, Австрија, Канада, Италија и САД.
Шумахер зад воланот на овој болид освои шест титули, додека Ferrari стигна до петтата титула во конкуренција на конструктор.
F2003-GA требаше да се продаде за 9,3 милиони долари, но износот значително се зголеми по 40-минутната понуда.
Претходниот рекорд за продажба беше поставен пред пет години, кога Ferrari F2001 достигна вредност од 7,5 милиони долари.
Најскапиот автомобил во светот останува Mercedes-Benz 300 SLR Uhlenhaut Coupé од 1955 година, направен во само два примерока. Во мај оваа година беше продаден за 142 милиони долари.
