Ѓумбирот, медот и лимонот се дел од состојките во овој супер сок, а еве како да направите вистинска витаминска бомба за имунитет.
Ѓумбирот и куркумата се храна полна со антиоксиданси, витамини и минерали. Природни сојузници кои се борат со воспалителните процеси во организмот, но и го зајакнуваат имунитетот и одлични се во борбата против сезонските настинки. Ако на нив додадете лимон, јаболко и мед, ќе добиете вистинска витаминска бомба – сок кој треба да го пиете барем еднаш неделно.
- 50 gr свеж ѓумбир
- 1 мало парче свежа куркума (може и во прав)
- 120 ml сок од лимон (или сок од портокал)
- 60 ml исцеден сок од јаболко
- 30 ml органски мед (2 лажици)
Излупете и исчистете ги ѓумбирот и куркумата и ставете ја во блендер. Додадете ги другите состојки и мешајте додека не добиете единствена смеса. Процедете ја смесата во цедалка и ќе добиете бистар сок. Пулпата можете да ја користите како додаток на јадења со месо или риба.
Уживајте во здравиот пијалак барем еднаш неделно за да го исчистите телото од токсини и да земете доволна доза витамини за силен и стабилен имунитет.
