Бројот на убиени новинари во знак на одмазда се зголеми двојно во 2020 година на 21, во споредба со 10 претходната година, објави денеска Комитетот за заштита на новинарите (ЦПЈ).
Мексико е една од најопасните земји за новинарите. Најмалку петмина биле убиени таму минатата година, од кои четири од одмазда, соопшти организацијата.
Криминалните групи најчесто се сметаат за одговорни за убиствата, но Комитетот потсетува на ужасното погубување на новинарот и лидер на иранската опозиција Рухолах Зам на 12 декември, чие бесење предизвика осуда низ целиот свет.
Тој беше обвинет за активно учество во антирежимски протести во зимата 2017-2018 година во Иран.
Поради пандемијата и ограничувањата на патувањето, бројот на новинари убиени во судири и престрелки е најмал од 2000 година. Тројца новинари беа убиени на 15 декември, сите во Сирија, наводно во воздушни напади на Русите.
Шест новинари беа убиени во опасни мисии, од кои двајца во Ирак, со што бројот на убиени новинари годинава достигна најмалку 30 лица. Се истражува смртта на 15 новинари убиени годинава.