Претседателот на УЕФА Александар Чеферин даде големо интервју за N1 Slovenija во кое допре бројни теми од светот на фудбалот.
Тој коментираше за сè, од новиот формат на Лигата на шампионите до фудбалската експанзија во Саудиска Арабија. Тој се осврна и на навивачите на Бед Блу Бојс во грчките затвори.
„Во конкретниот случај се случи трагедија, но Динамо не ни знаеше дека оваа група навивачи отпатува за Атина. Тоа се криминалци и идиоти кои се организираа, отидоа во Атина дури два дена пред натпреварот, а потоа го направија тоа што го направија“, рече Чеферин, а потоа додаде:
„Дали навистина би било правилно да се казнат клубот и 99,9% од невините навивачи поради неколку идиоти кои сега се во затвор? Како можеше Динамо да знае дека некои хулигани и криминалци влегле во изнајмено комбе во два часот по полноќ и тргнале кон Грција?"
Да потсетиме, еден грчки навивач загина во судир на БББ навивачи и навивачи на АЕК. Грчката полиција уапси повеќе од 100 БББ навивачи, кои се распоредени низ грчките затвори.
Судирот се случи пред натпреварот од Лигата на шампионите меѓу АЕК и Динамо, на кој им биле забранети гостинските навивачи.
Обвиненијата против уапсените навивачи опфаќаат учество во криминална организација и недозволено поседување оружје.
