Појадокот треба да биде вашиот најздрав оброк и треба да смислитете јадење кое ќе ви обезбеди доволно хранливи материи за вашето тело и кое ќе ви даде енергија.
Сите веќе знаеме дека е важно што јадеме наутро бидејќи го стартува метаболизмот и е важно за контролата на телесната тежина. Значи, не е важно само да јадеме нешто, туку важно е што јадеме.
Поточно, погрешната храна што се јаде за појадок може да ни наштети, односно да ги наруши хормоните кои играат пресудна улога во контролата на телесните масти.
Иако можеби ви се чини дека овошното смути и јогуртот се идеален оброк за да го започнете денот, вистината е малку поинаква. Исто како и соковите, купените јогурти и смутињата обично содржат огромна доза шеќер, како и адитиви. Вистина е дека ќе ве освежи и ќе ви даде инстант енергија, но и брзо ќе ви ја одземе.
Наместо јогурт и смути, ве советуваме да изберете свежо овошје кое можете да го консумирате заедно со житарици. Ова е одличен избор на храна за луѓе кои се на диета бидејќи ќе го снабдите вашето тело со растителни влакна.
