Човекот обвинет за убиството на Тупак Шакур за прв пат се појави на суд

Двејн „Кеф Д“ Дејвис, поранешниот водач на банда обвинет за убиство на познатиот рапер Тупак Шакур во 1996 година, за прв пат се појави пред судот во Лас Вегас.

Тупак Шакур

Рочиштето е закажано за 19 октомври. За потсетување, 60-годишниот Дејвис е обвинет по една точка за убиство со смртоносно оружје. Полицијата соопшти дека тој го планирал пукањето во кое загина Тупак, откако неговиот внук претходно бил вклучен во тепачка со Тупак во казино. Дејвис беше уапсен кон крајот на септември во близина на неговиот дом во Лас Вегас.

Сестрата на Тупак: Ова е клучен момент

Грег Кадинг, пензиониран полициски детектив од Лос Анџелес, кој со години го истражуваше убиството на Тупак, рече дека не бил изненаден од апсењето на Дејвис. Сите други директни осомничени или учесници се мртви, рече Кадинг. Сестрата на Тупак, Секјуа „Сет“ Шакур го опиша обвинението како победа.

„Ова е без сомнение клучен момент. За мене е важно светот, државата, правосудниот систем и нашиот народ да ја препознаат тежината на смртта на мојот брат, синот на мајка ми, синот на татко ми“, рече таа.

Во судот, обвинителот Марк Дијакомо го опиша Дејвис, поранешниот водач на уличната банда Саут Сајд Комптон Крипс, како командант на лице место кој ја наредил смртта на Тупак. На прес-конференција, полицаецот Џејсон Џохенсон рече дека полициската упорност во истрагата на крајот се исплатела пред да објасни што довело до откритието.

Како беше откриен Дејвис?

Орландо Андерсон, починатиот внук на осомничениот и Тупак биле вмешани во тепачка во казино непосредно пред раперот да биде убиен на 7 септември 1996 година. Тој починал во болница неколку дена подоцна. Џохенсон на новинарите им покажа снимка од безбедносните камери на хотелите на кои се гледа како Андерсон е претепан. Тој рече дека тоа на крајот довело до одмаздничко стрелање на Тупак додека чекал во својот автомобил на црвено светло.

Полицијата вели дека брзо станало очигледно дека станува збор за злосторство поврзано со банда, а случајот бил истражуван повеќе пати. Но, дури во 2018 година, кога се појавија нови информации, случајот повторно заживеа. Полицијата, исто така, го наведе сопственото признание на Дејвис за медиумите дека тој бил во возилото од кое се пукало. На истата прес-конференција, шерифот Кевин Мекмахил рече дека семејството на Тупак чекало 27 години за правда.

„Имаше многу луѓе кои не веруваа дека убиството на Тупак Шакур е важно за овој полициски оддел. Тука сум да ви кажам - едноставно не беше. Нашата цел во спроведувањето на законот отсекогаш била да ги најдеме одговорните за Насилното убиство на Тупак“, додаде шерифот.

Дејвис од претходно им е познат на инспекторите бидејќи претходно признал дека бил во кадилакот од кој бил застрелан Тупак. Тој се опиша себеси како еден од последните сведоци на пукањето. Апсењето се случи два месеци откако полицијата во Лас Вегас го пребара домот на неговата сопруга во соседниот Хендерсон, барајќи предмети поврзани со убиството на Тупак.

Полицијата соопшти дека земала неколку компјутери, мобилни телефони, хард дискови, списание Vibe со Тупак на насловната страница, неколку куршуми, фотографии и мемоарите на Дејвис, Compton Street Legend, во тоа време.

Тупак беше убиен пред 27 години

Да потсетиме, Тупак беше убиен на 7 септември 1996 година. Тој бил во BMW управувано од основачот на Death Row Records, Марион Најт. Додека чекале на семафор, покрај нив застанал бел кадилак и започнала престрелка во која Тупак бил застрелан повеќе пати. Починал една недела подоцна.

Четвртиот албум на Шакур, All Eyez On Me, беше на врвот на топ листите во тоа време и продаден во околу пет милиони копии. Во времето на убиството, тој се скарал со музичкиот ривал Биги Смолс, познат како Notorious B.I.G, кој беше смртно застрелан во март 1997 година.

Дејвис е последниот жив човек кој бил во возилото од кое бил застрелан Тупак.

Тагови
реклама

Експертите ги избраа најдобрите половни автомобили

Read more

Над 1.300 починати на аџилак во Саудиска Арабија

Read more

Коефициентот за нерешено вртоглаво паѓа, сомнеж во регуларноста на натпреварите на ЕУРО

Read more

Ограда од надвозник падна во Автокоманда, откорнати се дрвја, поплавени улици, делови од Скопје останаа без струја

Read more

Музика

Лејди Гага демантира бременост: Само сум лоша во теретана

Read more

Балканско-Кавкаска песна на Евровизија

Read more

По петгодишна пауза се активира Plavi orkestar

Read more

Јавно распоредување - неофицијалната комунистичка химна на Источна Германија

Read more
 

Видео

  • play_arrow

Лејди Гага демантира бременост: Само сум лоша во теретана

Читај повеќе
  • play_arrow

Балканско-Кавкаска песна на Евровизија

Читај повеќе
  • play_arrow

Фејл-компилација очекувања наспроти реалност

Читај повеќе
  • play_arrow

По петгодишна пауза се активира Plavi orkestar

Читај повеќе
  • play_arrow

Фејл компилација - машки против женски

Читај повеќе
  • play_arrow

Питбул vs. Чивава

Читај повеќе
  • play_arrow

Како туната од морските длабочини стигнува до нашите чинии?

Читај повеќе
  • play_arrow

Идиоти ширум Европа - фејл компилација

Читај повеќе
  • play_arrow

Најдобрите фејлови на неделата

Читај повеќе