Тинејџерот Ламине Јамал доби овации од мадридската публика на „Сантјаго Бернабеу“ на натпреварот меѓу Шпанија и Бразил (3:3).
Тоа беше спектакуларен натпревар во кој Шпанија беше блиску до победа, поведе со 2:0 и 3:2, за Бразил да израмни од пенал во шестата минута од судиското надополнување.
Шпанците ги предводеше 16-годишниот напаѓач на Барселона, Јамал, кој избори пенал за првиот гол, асистираше до Дани Олма за вториот и го намести Дани Карвахал да избори уште еден пенал за третиот гол.
По одличната партија, Јамал доби овации кога беше заменет кон крајот на натпреварот, без разлика на големото ривалство помеѓу Реал и Барселона.
Инаку, Шпанија поведе во 12. минута со голот на Родриго од пенал, а Олмо во 36. минута зголеми на 2:0. Бразил намали преку Родриго во 40. минута, а Ендрик израмни во 50. минута.
Во 87. минута Родри реализираше нов пенал за водство на Шпанија од 3:2, а конечните 3:3 ги постави и Пакета од пенал во шестата минута од судиското надополнување.
