Циметовото дрво е растение кое потекнува од Азија, а најмногу го има во Индија, Шри Ланка, Бразил и Мадагаскар. Како зачин и лек се користи уште од времето на древниот Египет. Во Европа најголема побарувачка за цимет настанала во Средниот век кога станал основен производ за трговија помеѓу Блискиот Исток и Стариот континент.
Денес може да се каже дека се работи за идеална комбинација на сјаен зачин и природен лек. Во нашите краишта малку е познато за користењето на масло од цимет. Постојат два вида малсо од циметово дрво. Првиот е есенцијално масло со голема јачина кое се прави од листови и кори од билката преку многу сложен процес. Другиот е екстрахирано масло од цимет кое и самите можете да го направите.
За вториот вид на масло потребни ви се неколку стапчиња цимет и чисто маслиново масло (рафинирано).
Целите стапчиња цимет ставете ги во тегла. Стапчињата прелијте ги со чисто маслиново масло така што потполно ќе бидат потопени. Теглата добро затворете ја и оставете ја на собна температура 3 недели. Секој ден добро протресувајте ја теглата. По трите недели процедете го маслото низ газа во потемно стаклено шише. Вашето масло од цимет ќе биде подготвено за употреба. Бројот на стапчиња цимет се одредува произволно. Што поголем број на циметови стапчиња, тоа подобро.
Доколку не можете да пронајдете стапчиња цимет, можете да користите и цимет во прав во размер 1:5 во однос на маслото (100 грама прав на пола литар масло).
Маслото има антисептички, антибиотски и афродизијачки својства. Користењето на циметово масло е одличен начин за прочистување на крвта од сите нечистотии. Циметовото масло ја подобрува циркулацијата на крвта и спречува создавање на грутки. Освен тоа, редовното користење на масло од цимет ја подобрува контролата на шеќер во крв кај дијабетичарите и брзо го нормализира истиот.
Американските научници тврдат дека ова масло е одличен тоник за мозокот кој спречува тензија, нервоза и губиток на помнењето, а и значително ја зајакнува мозочната активност. Маслото од цимет спречува и уништува бактерии, ги намалува и ги уништува габите, а се употребува и како лек против габични инфекции.
