Ова е едно од најчестите прашања што клиентите ѝ ги поставуваат на тренерката Стефани Мансур кога ќе почнат да напредуваат во тренинзите.
Луѓето обично го започнуваат своето фитнес патување само со кардио или само тренинг за сила. Или го вежбаат едното, па другото во анизменични денови. И кога ќе почнат да ги комбинираат двете форми на физичка активност во еден тренинг, не знаат што треба прво да направат.
„Кардиото може да биде одличен вовед во тренинзите со тегови, како и одличен финиш. Ако вежбате кардио со поголем интензитет, би можеле да потрошите многу енергија, што ќе ве исцрпи за вежбите за сила. Но, ако се одлучите за пешачење со умерено темпо, веројатно нема да бидете премногу уморни потоа за вежби за сила“, објаснува Мансур.
Придобивките од кардио пред кревање тегови
Кардио пред тренинг со тегови е оптимален избор доколку сакате да ја зголемите издржливоста. Тоа е затоа што вежбањето кардио одзема енергија од енергетските резерви потребни за одржување на аеробни или кардиоваскуларни вежби.
Вежбањето кардио пред кревањето тегови ја зголемува кардиоваскуларната издржливост. Покрај тоа, вежбањето со тегови со исцрпени резерви на енергија, исто така, ја зголемува мускулната издржливост. Целта да се зголеми издржливоста е одлична цел за тркачите на долги патеки или маратонците, бидејќи ја подобрува отпорноста на замор и ги развива мускулните влакна со бавно грчење потребни за спортови базирани на издржливост.
Можете исто така да гледате на кардио како загревање. Пешачењето кое нема да ве измори физички е одлична форма на подготовка за кревање тегови.
Придобивките од кардио по кревање тегови
Правењето кардио после тренинг со тегови е идеално ако сакате да изгубите маснотии и да станете посилни. Градењето мускулна маса е исто така пожелно за губење маснотии бидејќи се покажа дека го забрзува метаболизмот.
„Ако штотуку почнувате да вежбате, ве охрабрувам да се придржувате до она што делува. Значи, ако се чувствувате мотивирани да прошетате 20 минути и сакате да го додадете тренингот за сила, пешачете бидејќи тоа е веќе дел од вашата рутина. Тогаш можете да додадете тренинг за сила. Или, ако сега правите вежби за сила со тегови и сакате да ги интензивирате, започнете со кардио откако ќе завршите со теговите. Клучот е да работите во хармонија со вашето тело и постоечките навики за да продолжите да го подобрувате вашето целокупното здравје“, заклучува Мансур.
